لاہور چیمبر اورپاکستان گڈز ٹرانسپورٹرز ایسوسی ایشن کی پریس کانفرنس
صدر لاہور چیمبر میاں ابوذر شاد، نائب صدر شاہد نذیر چودھری ، ایگزیکٹو کمیٹی رکن ریاض تاجک ، ایسوسی ایشن کے عہدیداران کا خطاب
صدر لاہور چیمبر میاں ابوذر شاد
گڈز ٹرانسپورٹ پر ودہولڈنگ ٹیکس میں اضافہ معاشی خودکشی کے مترادف ہے۔
لاجسٹک سروسز پر ودہولڈنگ ٹیکس 4 فیصد پر برقرار رکھا جائے۔
راوی لنک روڈ کا جنرل ٹرک اسٹینڈ ناکافی ہو چکا، نیا ٹرمینل ناگزیر ہے۔
لاہور شہر سے باہر نئے ٹرک ٹرمینل کے لیے زمین الاٹ کی جائے۔
گڈز ٹرانسپورٹ انڈسٹری کو انٹرنیشنل معیار کے مطابق لانے کی ضرورت ہے: لاہور چیمبر

گڈز ٹرانسپورٹرز ایسوسی ایشن کے عہدیداران
ہر دو ماہ بعد ٹول ٹیکس میں اضافہ ٹرانسپورٹرز کے لیے ناقابل برداشت ہے
نئے ٹول پلازے بنا کر ٹرانسپورٹرز سے ناجائز وصولیاں کی جا رہی ہیں
ٹریفک پولیس بلاجواز چالان اور جرمانے کر کے ڈرائیورز کو ہراساں کر رہی ہے
معیشت پہلے ہی دباو کا شکار ہے، کاروبار مزید بوجھ برداشت نہیں کر سکتا
اگر مطالبات نہ مانے گئے تو کاروبار بند کرنا پڑے گا، ذمہ دار حکومت ہوگی
یفک اور آلودگی میں واضح کمی آئے گی۔
لاجسٹک سروسز پر ودہولڈنگ ٹیکس میں اضافہ ٹرانسپورٹ سیکٹر کو تباہ کردے گا، حکومت فوری نظرثانی کرے: میاں ابوذر شاد
لاہور چیمبر آف کامرس اینڈ انڈسٹری اور پاکستان گڈز ٹرانسپورٹرز ایسوسی ایشن نے وفاقی بجٹ میں لاجسٹک سروسز پر ودہولڈنگ ٹیکس میں اضافہ واپس لینے اور دیگر مسائل فوری طور پر حل کرنے کا مطالبہ کیا ہے۔ لاہور چیمبر آف کامرس اینڈ انڈسٹری میں پریس کانفرنس سے خطاب کرتے ہوئے صدر لاہور چیمبر میاں ابوذر شاد نے کہا کہ وفاقی بجٹ 2025-26میں لاجسٹک سروسز پر ودہولڈنگ ٹیکس کو 4 فیصد سے بڑھا کر 6 فیصد کر دینا ٹرانسپورٹ انڈسٹری پر ایک ایسا وار ہے جو اسے مکمل طور پر تباہی کے دہانے پر لا سکتا ہے۔ انہوں نے مطالبہ کیا کہ حکومت فی الفور اس فیصلے پر نظرثانی کرے اور 4 فیصد کی پرانی شرح کو بحال کرے۔انہوں نے کہا کہ راوی لنک روڈ پر موجود لاہور کا واحد جنرل ٹرک اسٹینڈ اب شہر کی بڑھتی ہوئی آبادی اور کاروباری حجم کے لیے ناکافی ہو چکا ہے۔ لاہور شہر سے باہر بین الاقوامی معیار کے نئے ٹرک ٹرمینل کے قیام کے لیے حکومت فوری طور پر زمین الاٹ کرے تاکہ شہر سے گڈز فارورڈنگ ایجنسیوں کی منتقلی ممکن ہو سکے جس سے نہ صرف شہر کی ٹریفک میں کمی آئے گی بلکہ ماحولیاتی آلودگی میں بھی واضح کمی ہوگی۔پریس کانفرنس میں نائب صدر لاہور چیمبر شاہد نذیر چودھری، ایگزیکٹو کمیٹی کے رکن ریاض تاجک، پاکستان گڈز ٹرانسپورٹرز ایسوسی ایشن کے صدر نبیل محمود طارق، سینئر نائب صدر حاجی عرفان سلطان، نائب صدور محمد احمد خان، مرزا ارشد اقبال بیگ، ممتاز علی خان اور دیگر رہنماو نے بھی شرکت کی اور گڈز ٹرانسپورٹ انڈسٹری کے مسائل کو تفصیل سے اجاگر کیا۔ایسوسی ایشن کے عہدیداران نے کہا کہ ہر دو ماہ بعد ٹول ٹیکس میں اضافہ کر دیا جاتا ہے جو ٹرانسپورٹرز کے لیے ناقابل برداشت ہو چکا ہے۔ مزید یہ کہ کئی مقامات پر نئے ٹول پلازے بنا کر ناجائز وصولیوں کا بازار گرم کیا جا رہا ہے۔انہوں نے کہا کہ کہ ٹریفک پولیس بلاجواز چالان اور جرمانوں کے ذریعے ٹرانسپورٹرز کو ہراساں کر رہی ہے۔ ڈرائیورز کو معمولی معاملات پر بھی تنگ کیا جاتا ہے جس سے ان کی عزت نفس مجروح ہوتی ہے اور کاروبار پر منفی اثرات مرتب ہو رہے ہیں۔انہوں نے خبردار کیا کہ ملک کی معیشت پہلے ہی دباوکا شکار ہے اور اگر فوری طور پر ان مسائل کا حل نہ نکالا گیا تو گڈز ٹرانسپورٹرز مجبوراً اپنے کاروبار بند کرنے پر مجبور ہوں گے جس کی تمام تر ذمہ داری حکومت پر عائد ہوگی۔پریس کانفرنس کے شرکاءنے حکومت سے مطالبہ کیا گیا کہ وہ ٹرانسپورٹ انڈسٹری کو بقا کے لیے درکار ریلیف فوری طور پر فراہم کرے تاکہ یہ اہم شعبہ قومی معیشت کی بہتری میں اپنا بھرپور کردار جاری رکھ سکے۔