کراچی:کرنٹ لگنے سے 2 بھائیوں کی موت کا مقدمہ سی ای او کے الیکٹرک کیخلاف درج

کراچی کے علاقے ناتھا خان گوٹھ میں بارش کے دوران کرنٹ لگنے سے 2 بھائیوں کی موت کا مقدمہ سی ای او کے الیکٹرک اور دیگر حکام کے خلاف درج کرلیا گیا، گلستان جوہر میں 2 روز قبل کرنٹ لگنے سے موٹرسائیکل سوار کے جاں بحق ہونے کا بھی انکشاف ہوا ہے، واقعے کی سی سی ٹی وی فوٹیج سامنے آگئی، شفیق موڑ پر بھی بچے کو کھمبے سے کرنٹ لگ گیا۔

شاہ فیصل کالونی تھانے کی پولیس نے ناتھا خان گوٹھ میں کرنٹ لگنے سے 2 بھائیوں کی موت پر ان کے والد کی مدعیت میں مقدمہ درج کرلیا۔

مقدمے میں سی ای او کے الیکٹرک مونس علوی سمیت اعلیٰ افسران کو نامزد کیا گیاہے، مقدمے میں غفلت و لاپروائی کی دفعات شامل کی گئی ہیں۔

یاد رہے کہ پیر کو ناتھا خان گوٹھ میں کرنٹ لگنے سے 10 سالہ سلطان اور 20 سالہ سراج جاں بحق ہوگئے تھے، دونوں بھائیوں کی نماز جنازہ گزشتہ روز ادا کی گئی تھی۔

دوسری جانب، کراچی کے علاقے گلستان جوہر میں 2 روز قبل موٹر سائیکل سوار نوجوان کی کرنٹ لگنے سے موت کا انکشاف ہوا ہے، واقعے کی سی سی ٹی وی فوٹیج بھی سامنے آگئی ۔

سی سی ٹی وی فوٹیج میں موٹر سائیکل سوار کو کرنٹ لگتے اور گڑھے میں گرتے ہوئے دیکھا جاسکتا ہے، لڑکے کے گڑھے میں گرنے کے فوراً بعد شہری اسے بچانے کے لیے پہنچے تھے۔

شہریوں نے موٹر سائیکل اور نوجوان کو گڑھے سے نکال کر ہسپتال منتقل کیا تھا، ہسپتال میں ڈاکٹرز نے لڑکے کی موت کی تصدیق کی تھی۔

دریں اثنا، کراچی میں شفیق موڑ کے قریب بچے کو کھمبے سے کرنٹ لگ گیا، موقع پر موجود لوگوں نے بچے کو بچا کر ہسپتال منتقل کیا، جہاں طبی امداد کے بعد بچے کو گھر روانہ کردیا گیا۔

ترجمان کے الیکٹرک نے کہا کہ واقعہ اسٹریٹ لائٹ کے پول کے باعث پیش آیا، جو کے الیکٹرک کے دائرہ اختیار میں نہیں آت