ایشیا کپ کا مقام سری لنکا سے دبئی منتقل ہونے کے بعد اب ایونٹ کی تاریخوں میں ردوبدل پر بھی غور کیا جا رہا ہے ۔

نجی ٹی وی “جیو نیوز “کے مطابق ایشیاءکپ کی میزبانی سری لنکا کے پاس ہے جبکہ ملک میں کشیدہ سیاسی صورتحال کے باعث ایونٹ یو اے ای میں ہوگا، سری لنکا کرکٹ بورڈ نے ایشیاء کپ ملک میں نہ کرانےکا فیصلہ کیا ہے۔ذرائع کا کہنا ہےکہ سری لنکا کرکٹ، ایشین کرکٹ کونسل اور ایمریٹس کرکٹ بورڈ کے درمیان بات چیت جاری ہے، تینوں فریقین باہمی مشاورت سے شیڈول کو حتمی شکل دینےمیں مصروف ہیں جب کہ ایمریٹس کرکٹ بورڈ نے ایونٹ جلد شروع کرنےکی تجویز دی ہے۔

رپورٹ کے مطابق ایشیاءکپ 24 اگست سے10 ستمبر تک کرانے کی تجویز بھی سامنےآئی ہے جب کہ اعلان کردہ تاریخوں کے مطابق ایشیاءکپ 27 اگست سے11 ستمبر تک کھیلا جانا ہے.

ذرائع نے بتایا کہ تینوں فریقین اگلے 2 سے 3 روز میں تمام معاملات کو حتمی شکل دینے کے لیے پرامید ہیں۔