لاہور:وزیراعلیٰ پنجاب عثمان بزدار نے کہا ہے کہ جمعہ کو کشمیریوں سے محبت اور یکجہتی کا بھرپور اظہار کریں گے

کشمیری عوام پر بھارتی مظالم پر خاموش نہیں رہ سکتے۔وزیراعلی پنجاب سردار عثمان بزدار نے بیان میں کہا وزیراعظم کی اپیل پر جمعہ کشمیریوں سے یکجہتی کیلئے عوام باہر نکلیں گے، مقبوضہ کشمیر آگ میں جل رہا ہے اور دنیا خاموش ہے، بھارت نے کشمیری عوام کو تمام بنیادی انسانی حقوق سے محروم کر رکھا ہے،

مقبوضہ کشمیر کے عوام اشیائے ضروریہ اور ادویات کیلئے ترس رہے ہیں۔ انہوں نے کہا کہ بھارت نے لاکھوں انسانوں کی زندگیاں اجیرن بنا دی ہیں، نریندر مودی سرکار کی نام نہاد جمہوریت کا پردہ چاک ہوچکا ہے، پاکستان کو کوئی کشمیر سے جدا نہیں کرسکتا، ہمار اجینا مرنا اور دکھ سکھ سانجھے ہیں، مظلوم کشمیری عوام کا ساتھ کبھی نہیں چھوڑیں گے۔