کیریئر کی شروعات عطااللہ عیسیٰ خیلوی کے گانے سے کی، سونو نگم

بھارتی گلوکار سونو نگم نے انکشاف کیا ہے کہ انہوں نے اپنے کیریئر کی شروعات لیجنڈری گلوکار عطا اللہ عیسیٰ خیلوی کے مشہور گانے ’اچھا صِلہ دیا تُو نے میرے پیار کا‘ سے کی تھی، جس نے ان کی کامیابی میں اہم کردار ادا کیا تھا۔

حال ہی میں سونو نگم نے ایک انٹرویو دیا، جس میں انہوں نے عطا اللہ خان عیسیٰ خیلوی کے لیے اپنے خاص جذبات کا بھی اظہار کیا، کیونکہ انہوں نے اپنے کیریئر کا آغاز عطا اللہ عیسیٰ خیلوی کے مشہور گانے ’اچھا صِلہ دیا تُو نے میرے پیار کا‘ کو 2011 میں گاکر کیا تھا۔

انٹرویو کے دوران سونو نگم نے اپنی کامیابی کا سہرا بھی عطا اللہ خان عیسیٰ خیلوی کو دیا۔

انہوں نے کہا کہ یقیناً وہ ایک خوبصورت روح ہیں اور ان کی زندگی میں عطا اللہ خان عیسیٰ خیلوی کی بڑی اہمیت ہے۔

گلوکار نے بتایا کہ انہوں نے اپنے کیریئر کا آغاز عطا اللہ خان عیسیٰ خیلوی کے گانے سے کیا، اسی دوران ایک دن انہیں پاکستان سے فون آیا، جہاں عطا اللہ خان نے خود ان کی گلوکاری کی تعریف کرتے ہوئے کہا کہ آپ نے یہ گانا بہت اچھا گایا ہے۔

سونو نگم کے مطابق اُس وقت ان کی عمر صرف انیس سال تھی، یہ اُن کی بڑی مہربانی تھی، وہ اُن تمام عظیم گلوکاروں کے شکر گزار ہیں جنہوں نے ان کی کامیابی میں اہم کردار ادا کیا۔

انہوں نے یہ بھی کہا کہ وہ اپنی کامیابی کا سہرا عطا اللہ خان عیسیٰ خیلوی کے سر پر بھی باندھنا چاہیں گے، کیونکہ ’اچھا صِلہ‘ ان کے کیریئر کا ٹرننگ پوائنٹ تھا اور ایک ایسا گانا ہے جو ان کی مقبولیت کا ذریعہ بھی بنا۔

صوبہ پنجاب کے ضلع میانوالی سے تعلق رکھنے والے عطا اللہ عیسیٰ خیلوی سرائیکی اور اردو زبان میں کئی گانے گنگنا چکے ہیں، 30 سالوں سے موسیقی کی صنعت سے وابستہ عطا اللہ عیسیٰ خیلوی نے سات زبانوں میں چار ہزار سے زیادہ گانے ریکارڈ کرائے ہیں۔

ان کا گانا ’اچھا صِلہ دیا تُو نے میرے پیار کا‘ 2006 میں ریلیز ہوا تھا، جس کا شمار ان کے مشہور ترین گانوں میں ہوتا ہے