بولی وڈ اداکارائیں اکثر و بیشتر ان تمام مسائل پر کھل کر بات کرتی نظر آتی ہیں جن کا سامنا انہیں سالوں سے ہندی سینما انڈسٹری میں کرنا پڑ رہا ہے۔ ان میں اداکاروں سے کم معاوضہ ملنا، بڑھتی عمر کے ساتھ ان کے لیے کرداروں کا کم ہوجانا اور سب سے اہم باڈی شیمنگ یعنی ظاہرہ شخصیت کو تنقید کا نشانہ بنانا ہے۔ کئی اداکاراؤں کو اپنے انداز، اپنے لہجے اور اپنی جسامت کے باعث متعدد کامیاب فلموں سے ہاتھ بھی دھونا پڑا اور ایسی ہی ایک اداکارہ ردھیکا آپٹے بھی ہیں، جنہوں نے ایک انٹرویو میں انکشاف کیا کہ انہیں بولی وڈ کی

ردھیکا اپنے قریبی دوست اداکار آیوشمان کھرانہ کے ہمراہ ایک شو کا حصہ بنیں، جہاں انہوں نے بتایا کہ وہ یوشمان کے ساتھ ان کی ایک اور فلم میں کام کرنے والی تھی تاہم ایسا ہو نہیں پایا۔

ردھیکا آپٹے اور آیوشمان کھرانہ نے ایک ساتھ گزشتہ سال کی کامیاب فلم ‘اندھادھن’ میں کام کیا تھا۔

اداکارہ نے بتایا کہ وہ آیوشمان کی کامیاب فلم ‘وکی ڈونر’ میں بھی ان کے ساتھ کام کرنے والی تھیں تاہم وزن زیادہ ہونے کی وجہ سے انہیں فلم سے نکال دیا گیا۔

ردھیکا کا کہنا تھا کہ ‘میں فلم کی شوٹنگ سے قبل چھٹیاں منانے باہر گئی تھی، جہاں میں نے اس بات کا خیال نہیں رکھا کہ مجھے ایسا کچھ نہیں کھانا پینا جس سے میرا وزن بڑھے، میں نے فلم کی ٹیم کو اعتماد میں لینے کی کوشش کی کہ واپس آکر میں اپنا وزن کم کرلوں گی، تاہم انہوں نے انکار کرتے ہوئے مجھے فلم سے باہر کردیا’۔

اداکارہ کے مطابق انہیں فلم سے باہر نکالے جانے کے افسوس سے زیادہ پریشان بڑھے ہوئے وزن نے کیا، کیوں کہ ایک بار فلم سے نکالنے پر وہ اتنا خوفزدہ ہوگئیں کہ پھر انہوں نے اپنی ڈائیٹ کا خیال رکھا۔یاد رہے کہ 2012 کی اس مشہور فلم ‘وکی ڈونر’ میں آیوشمان کے ہمراہ یامی گوتم کو کاسٹ کیا گیا تھا۔ایک بڑی فلم سے باہر نکال دیا گیا تھا، جس کی وجہ ان کا وزن تھا۔