لاہور: وہا ں ہمارے فلسطینی مسلمان بہن بھائ کن مشکلات میں گھیرے ہوے ہیں ہر گزرتا پل ایک نئ مشکل لاتا ھے ہزاروں معصوم جان سے چلے گے اور یہاں پاکستانی حکومت کو میچ کی فکر ہے اگر چاہتے تو یہی پیسہ فلسطین کے لئے امدادی کاروائیاں سر انجام دے سکتے تھے مگر افسوس….؟
کرکٹ ورلڈ کپ 2023ء میں گرین شرٹس کا آج ایک اور بڑا امتحان ہے، قومی کرکٹ ٹیم اہم میچ میں آسٹریلیا کے خلاف ان ایکشن ہو گی۔
ایک روزہ کرکٹ کے عالمی ایونٹ کے 18 ویں میچ میں پاکستان اور آسٹریلیا کی ٹیمیں پاکستانی وقت کے مطابق دوپہر ڈیڑھ بجے بھارت کے شہر بنگلور میں ایم چنا سوامی کرکٹ سٹیڈیم میں آمنے سامنے ہوں گی، میچ سے قبل قومی ٹیم نے اپنی خامیوں کو دور کرنے کیلئے بھرپور پریکٹس کی۔
یہ بھی پڑھیں: زیادہ سوچنا نہیں، وہی کریں جو ٹریننگ میں کرتے ہیں، بابر کا کھلاڑیوں سے مکالمہ
پاکستانی ٹیم میگا ایونٹ میں تین میچز کھیل چکی ہے جن میں سے 2 میں کامیاب ہو چکی اور ایک میں ناکامی کا سامنا کرنا پڑا ہے، آسٹریلیا بھی ٹورنامنٹ میں تین میچز کھیل کر ایک میں کامیاب جبکہ دو میں شکست کھا چکی ہے۔
پاکستان کیخلاف آسٹریلیا کا پلڑا بھاری
ورلڈ کپ سے قبل ہونے والے وارم اپ میچ میں آسٹریلیا نے پاکستان کو 14 رنز سے شکست دی تھی، راجیو گاندھی کرکٹ سٹیڈیم میں کھیلے گئے میچ میں آسٹریلیا نے پہلے بیٹنگ کرتے ہوئے 351 رنز بنائے جبکہ ہدف کے تعاقب میں پاکستانی ٹیم 337 رنز بنا سکی تھی۔
یہ بھی پڑھیں: ورلڈکپ: آسٹریلیا کیخلاف میچ سے قبل فخر زمان گھٹنے کی انجری کا شکار
پاکستان اور آسٹریلیا کی ٹیمیں ون ڈے میچز میں 107 بار آمنے سامنے آئیں جن میں سے کینگروز نے 69 اور پاکستان نے 34 میچز اپنے نام کیے، تین میچز بغیر نتیجہ ختم ہوئے اور ایک میچ برابر رہا جبکہ ورلڈ کپ میچز میں دونوں ٹیمیں 10 بار ٹکرائیں، 6 بار جیت کینگروز کے نام رہی جبکہ صرف چار میچز میں پاکستان نے کامیابی حاصل کی۔
یہ بھی پڑھیں: ایک تبدیلی کا امکان، قومی ٹیم نے آسٹریلیا کیخلاف حکمت عملی تیار کرلی
ایشیائی کنڈیشنز میں پاکستان اور آسٹریلیا کی ٹیمیں میگا ایونٹ کے میچز میں دو بار ایشیا میں مدمقابل ہوئیں، پہلی بار دونوں ٹیمیں 1987 کے ورلڈکپ کے سیمی فائنل میں لاہور کے قذافی سٹیڈیم میں آمنے سامنے آئیں تھیں اور آسٹریلیا نے دلچسپ مقابلے کے بعد 18رنز سے کامیابی حاصل کی، پاکستانی ٹیم نے 268 رنز کے ہدف کے تعاقب میں 249 رنز بنائے تھے۔
دوسری بار شاہین اور کینگروز 2011 کے ورلڈ کپ میں سری لنکا کے شہر کولمبو میں مد مقابل آئے یہاں جیت گرین شرٹس نے اپنے نام کی، پاکستان نے آسٹریلیا کو 4 وکٹوں سے شکست دی تھی، قومی ٹیم نے 177 رنز کا ہدف 6 وکٹوں پر حاصل کیا تھا۔