Asim Amin
پاکستان اسٹاک ایکسچینج میں 1200 سے زائد پوائنٹس کا اضافہ ریکارڈ
پاکستان اسٹاک ایکسچینج (پی ایس ایکس) میں پیر کے روز کاروبار کے دوران حصص کی قیمتوں میں 1200 سے زائد پوائنٹس کا اضافہ ریکارڈ کیا گیا۔
کاروباری ہفتے کے پہلے روز دن 11 بجکر 53 منٹ پر بینچ مارک کے ایس ای 100 انڈیکس 1272 پوائنٹس اضافے کے ساتھ ایک لاکھ 18 زار 587 پوائنٹس پر پہنچ گیا، جو جمعے کو گزشتہ کاروباری ہفتے کے اختتام پر ایک 17 ہزار 315 پوائنٹس پر بند ہوا تھا۔
جمعے کے روز انڈیکس نے کاروباری سیشن کے دوران بڑے پیمانے پر مثبت زون میں کاروبار کیا تھا ، جس میں میکرو اکنامک اشاریوں کی حوصلہ افزائی اور مضبوط کارپوریٹ آمدنی شامل تھی۔
تجزیہ کاروں کے مطابق، ترقی کی رفتار بنیادی طور پر اب تک کی سب سے زیادہ ماہانہ کرنٹ اکاؤنٹ سرپلس اور حقیقی مؤثر شرح مبادلہ میں ایک سازگار تحریک کی وجہ سے تھی۔
اسٹیٹ بینک کے اعداد و شمار کے مطابق مارچ میں پاکستان میں کرنٹ اکاؤنٹ سرپلس سب سے زیادہ 1.195 ارب ڈالر رہا جو گزشتہ سال کے اسی مہینے میں 36 کروڑ 30 لاکھ ڈالر تھا۔
رواں مالی سال کے جولائی تا مارچ کے عرصے کے دوران 1.859 ارب ڈالر کے سرپلس کا سب سے بڑا حصہ مارچ کا سرپلس ہے۔
گزشتہ ماہ بھی ترسیلات زر کی تاریخی آمد دیکھنے میں آئی جو 4.1 ارب ڈالر تک پہنچ گئی۔ اس اضافے کی وجہ سے اسٹیٹ بینک نے مالی سال 2025 کے لیے ترسیلات زر کا ہدف 35 ارب ڈالر سے بڑھا کر 38 ارب ڈالر کر دیا ہے۔
اسٹیٹ بینک کے گورنر کے اس دعوے کے باوجود کہ درآمدی پابندیاں اٹھا لی گئی ہیں، نو ماہ کے عرصے کے دوران اشیا کی درآمدات معمولی طور پر بڑھ کر 43.39 ارب ڈالر تک پہنچ گئیں جو ایک سال قبل 39.06 ارب ڈالر تھیں جو صرف 4.33 ارب ڈالر کا اضافہ ہے۔ اسی عرصے کے دوران اشیا کی برآمدات میں بھی 1.77 ارب ڈالر کا اضافہ ہوا جو 24.66 ارب ڈالر تک پہنچ گئیں
