پاکستان میں آئے 200چینی ڈاکٹرز وہی ہیں جنہوں نے ووہان میں مریضوں کا علاج کیا،انہوں نے پاکستان کو بتایا ہے کہ کورونا پر قابو پانے کا حل آئسولیشن ہے۔ سمیع ابراہیم

معروف صحافی سمیع ابراہیم کا کہنا ہے کہ چائنہ کورونا وائرس سے نکل آیا ہے اور اب اٹلی اس کا نیا شکار ہے۔چائنا سے 200 ڈاکٹر پاکستان پہنچ چکے ہیں،اور یہ وہ ڈاکٹر ہیں جنہوں نے ووہان میں کرونا وائرس کا علاج کیا جہاں سے اصل میں یہ وائرس پھیلا تھا۔اب چائنا سے کورونا وائرس ختم ہو رہا ہے اور پچھلے دو دنوں میں ووہان میں کورونا کی وجہ سے کوئی موت نہیں ہوئی۔
ماضی میں اس وجہ سے دنیا میں جو کچھ ہوا،چائنا نے اس سے بہت کچھ سیکھا اور ان تجربات کی روشنی میں چائنا میں کورونا وائرس پر قابو پایا۔کئی سال قبل سپین فلو نے بھی لاکھوں جانیں نگل لی تھی۔اس وقت بھی اس پر آئسولیشن کے ذریعے ہی قابو پایا گیا تھا۔سمیع ابراہیم نے مزید کہا ہے کہ چینئ ڈاکٹروں نے پاکستان کو بتایا ہے کہ کورونا پر قابو پانے کا واحد حل آئسولیشن ہے۔

اسی لئے مجھے لگتا ہے کہ جو مساجد میں نمازوں کا سلسلہ جاری ہے اور کاروبار بھی کھلے ہیں اس پر ہمارے ارباب اختیار کو دیکھنا پڑے گا کہ آخر پر بھی یہی حل رہ جانا ہے کہ کورونا پر قابو پانے کے لیے آئسولیشن پر جانا پڑے گا،تو بہتر ہے ابھی سے اس کو اپنا لیا جائے۔ واضح رہے کہ گذشتہ روز سی پیک پر کام کرنے والے 200 چینی ورکرز پاکستان پہنچے تھے، چینی باشندے پرواز سی ریڈ 6007 کے ذریعے اسلام آباد پہنچے،۔
پاکستان اور چینی ڈاکٹرز کی ٹیم بھی چینی ورکرز کے ہمراہ پاکستان پہنچی ، پاکستان میں ایک ہزار سے زائد کمپنیاں رجسٹرڈ ہیں جس میں ورکرز مختلف منصوبوں کے تحت کام کررہے ہیں۔ چین میں کورونا وائرس کی وبا اٹھنے کے بعد سے چینی ورکرز کی پاکستان آمد پر پابندی لگا دی گئی تھی ۔ تاہم اب چین میں کورونا وائرس کے روک تھام کے بعد سے پاکستان نے ورکرز آنے کی اجازت دے دی ہے جس کے بعد سے 200 چینی ورکرز پاکستان پہنچے۔