گوادر: کھلے سمندر میں کشتی ڈوبنے سے 5 ماہی گیر جاں بحق، میتیں کراچی منتقل

گوادر کے ساحلی علاقے کے قریب کھلے سمندر میں کشتی ڈوبنے کے نتیجے میں 5 ماہی گیر جاں بحق ہو گئے، میتیں کراچی منتقل کردی گئیں۔

حکام کے حوالے سے بتایا گیا ہے کہ بدقسمت ماہی گیروں کی کشتی کراچی سے روانہ ہوئی تھی اور گہرے پانیوں میں جاکر الٹ گئی۔

واقعے کی اطلاع ملنے پر مقامی ماہی گیر فوری طور پر جائے وقوع پر پہنچے اور ایک ماہی گیر کو زندہ بچا لیا۔

ایک اہلکار نے بتایا کہ کشتی میں 6 ماہی گیر سوار تھے، بعد ازاں ریسکیو ٹیموں نے مقامی ماہی گیروں کی مدد سے 5 جاں بحق ماہی گیروں کی لاشیں نکال لیں۔

حادثے میں جاں بحق ہونے والا ایک ماہی گیر ابراہیم حیدری کے علی اکبر شاہ گوٹھ کا رہائشی تھا، جسے اتوار کو بعد نماز ظہر سپردِ خاک کر دیا گیا تھا۔

ڈان نیوز کے مطابق 2 ماہی گیروں کی میتیں سہراب گوٹھ کراچی میں واقع ایدھی سردخانے منتقل کردی گئی ہیں جنہیں مچھر کالونی لے جایا جائے گا جبکہ 2 میتیں ابراہیم حیدر منتقل کی جارہی ہیں