کراچی میں عائشہ منزل کے قریب سے 14 افراد کو قتل کرنے والے کالعدم تنظیم کے مبینہ ٹارگٹ کلر کو گرفتار کر لیا گیا۔

ترجمان سی ٹی ڈی کے مطابق کالعدم تنظیم کے مبینہ ٹارگٹ کلر سے اسلحہ بھی برآمد ہوا، اس کا ایک ساتھی پہلے ہی گرفتار ہو چکا ہے، گرفتار ملزم سید علی رضا 14 افراد کی ٹارگٹ کلنگ میں ملوث ہے۔

پولیس حکام کے مطابق ملزم اور اس کے ساتھیوں نے تیموریہ میں طاہر ملا نامی شخص کو قتل کیا، شریف آباد میں میڈیکل اسٹور پر 2 افراد کو قتل کیا، تیموریہ کے علاقے میں بھی فائرنگ کرکے دو افراد کو قتل کیا، ملزمان نے شریف آباد میں فوٹو اسٹیٹ کی دکان پر فائرنگ کر کے ایک شخص کو قتل کیا۔

سی ٹی ڈی ترجمان کا کہنا ہے کہ ملزم خواجہ اجمیر نگری میں مسجد باب الاسلام پر فائرنگ میں بھی ملوث ہے، مسجد پر فائرنگ سے 8 نمازی شہید ہوئے تھے۔

ترجمان سی ٹی ڈی کے مطابق ملزم شام میں لڑنے والی تنظیم کے لوگوں سے بھی رابطے میں تھا، ملزم کے خلاف مقدمہ درج کر کے مزید تفتیش کی جا رہی ہے