سابق وزیر داخلہ شیخ رشید کا کہنا ہے کہ چیف جسٹس کے بنچ کو فکسڈ بنچ کہنا انتہائی افسوسناک ہے،اتحادی بتائیں کہ ان کے پسندیدہ جج کونسے ہیں ؟ ۔

سماجی رابطے کی ویب سائٹ ٹویٹر پر پیغام میں شیخ رشید کا کہنا تھا کہ 2ووٹوں کے سازشی  پرائم منسٹر پر بھی عدم اعتماد لانا ہو گا، فوج کے بعد سپریم کورٹ کو نشانہ بنایا جا رہا ہے ، یہ اثاثے بیچ کر معیشت کو مزید تباہ کر رہے ہیں ، اب مسلم لیگ (ن ) بھی الیکشن سے بھاگ رہی ہے ۔

شیخ رشید کا ایک اور ٹویٹ میں کہنا تھا کہ آصف علی زردار ی نے پہلے چودھری برادران کو لڑایا اب شریف برادران ان کےنشانے پرہیں۔پہلےسیاسی عدم استحکام،پھر معیشت کی تباہی،فوج پر تنقید اور چیف جسٹس پر بھی حملہ آور ہوئے ، کل پرائم منسٹر ہاؤس میں پریس کانفرنس کا سپریم کورٹ نوٹس لے۔