جمعیت علماء اسلام (ف) کے امیر مولانا فضل الرحمان نے کہا ہے کہ عیدالفطر کے بعد ہماری میزبانی میں کل جماعتی کانفرنس منعقد کی جائے گی۔ جس میں مشترکہ موقف کے تحت آئندہ کی حکمت عملی طے کی جائے گی۔

اپنے ویڈیو پیغام میں مولانا فضل الرحمان کا کہنا تھا کہ تمام سیاسی جماعتوں نے اتفاق رائے سے انتخابات 2018کو دھاندلی زدہ قرار دیا تھا ۔ اتفاق رائے کے باوجود اے پی سی منعقد نہ ہو سکی۔

مولانا فضل الرحمان کا کہنا تھا کہ ہم نے پاکستان کی نظریاتی شناخت، عقیدہ ختم نبوت کے تحفظ اور مہنگائی کے خلاف ملین مارچ کئے ہیں اور ملین مارچ کا یہ سلسلہ آئندہ بھی جاری رہے گا۔

انہوں نے کہا کہ کارکنان پر عزم رہیں جلد اسلام آباد میں قومی سطح کا مارچ ہو گا۔دیگر جماعتیں اگر شرکت کرنا چاہیں تو خیر مقدم کریں گے۔