Asim Amin
توہینِ مذہب کیسز کی تحقیقات کیلئے کمیشن بنانے کے فیصلے کیخلاف انٹراکورٹ اپیل دائر
انٹراکورٹ اپیل میں کہا گیا کہ کرمنل مقدمات میں کمیشن کی تشکیل اعلیٰ عدالتوں کے فیصلوں کے خلاف ہے
اسلام آباد ہائیکورٹ کی جانب سے توہینِ مذہب کے الزامات کی تحقیقات کے لیے کمیشن تشکیل دینے کے فیصلے کے خلاف راؤ عبد الرحیم نے انٹراکورٹ اپیل دائر کردی۔
انٹرا کورٹ اپیل میں راؤ عبد الرحیم نے سنگل بینچ کا فیصلہ کالعدم قرار دینے اور درخواست بھی ناقابل سماعت قرار دینے کی استدعا کی ہے۔
راؤ عبدالرحیم نے جسٹس سردار اعجاز اسحٰق خان کے فیصلے کے خلاف انٹراکورٹ اپیل دائر کرتے ہوئے مؤقف اختیار کیا ہے کہ سنگل بینچ نے درخواست میں استدعا سے آگے بڑھ کر سوموٹو اختیار استعمال کیا۔
درخواست کے متن کے مطابق سنگل بینچ نے درخواست گزاروں کے الزامات کے جواب میں ہمارا موقف ہی نہیں سُنا، درخواست درخواست گزاروں کے پاس ٹرائل کورٹ سمیت درجنوں فورمز موجود تھے، لیکن وہاں رجوع نہیں کیا گیا۔
انٹراکورٹ اپیل میں راؤ عبد الرحیم نے کہا کہ کرمنل مقدمات میں کمیشن کی تشکیل قانون کی شقوں اور اعلیٰ عدالتوں کے فیصلوں کے خلاف ہے۔
یاد رہے کہ جسٹس سردار اعجاز اسحٰق خان نے اپنے فیصلے میں وفاقی حکومت کو توہین مذہب کے مقدمات کے حالے سے تحقیقات کرنے کے لیے ایک ماہ میں کمیشن تشکیل دینے کا حکم دیا تھا۔
اسلام آباد ہائی کورٹ نے مزید ریمارکس دیے تھے کہ کمیشن کو اگر مزید وقت چاہیے ہو تو عدالت سے رجوع کر سکتا ہے
