این ڈی ایم اے نے پنجاب کے مختلف اضلاع میں یکم تا 3 ستمبر موسلادھار بارشوں کا الرٹ جاری کردیا

نیشنل ڈیزاسٹر مینجمنٹ اتھارٹی ( این ڈی ایم اے ) پنجاب کے مختلف اضلاع میں یکم تا 3 ستمبر تک شدید موسلادھار بارشوں کا الرٹ جاری، شدید بارشوں کے باعث سیلابی صورتحال کا خدشہ ہے۔

این ڈی ایم اے کی جانب سےایکس اکاؤنٹ پر کی گئی پوسٹ کے مطابق اسلام آباد، مری، راولپنڈی، جہلم، اٹک، منڈی بہاؤالدین، گجرات، گوجرانوالہ اور حافظ آباد میں شدید بارشوں کے باعث سیلابی صورتحال کا خدشہ ہے۔

چنیوٹ، لاہور، سیالکوٹ، نارووال، شیخوپورہ، فیصل آباد، سرگودھا، بھکر، لیہ اورمیانوالی میں بھی موسلادھار بارشوں کے نتجے میں سیلابی صورتحال مزید سنگین ہو سکتی ہے۔

این ڈی ایم اے کے مطابق ڈیرہ غازی خان، ساہیوال، ملتان، بہاولنگر، بہاولپور اور رحیم یار خان میں بھی بارشیں اور سیلابی صورتحال متوقع ہے۔

بالائی علاقوں میں ممکنہ شدید بارشوں اور دریاؤں میں تیز بہاؤکے باعث مرالہ ہیڈ ورکس پر سیلابی ریلوں اور بہاؤ میں شدید اضافے کا امکان ہے جبکہ سیلابی صورتحال اور ملحقہ علاقے زیر آب آنے کا خدشہ ہے۔

این ڈی ایم اے کی جانب سے کہا گیاہے کہ نشیبی علاقوں اور ندی نالوں کے قریب رہائشی الرٹ رہیں، غیر ضروری سفر سے گریز کریں کیونکہ ندی نالوں میں اچانک بہاؤ میں اضافی متوقع ہے۔

مزید کہا گیا ہے کہ عوام اور متعلقہ ادارے حفاظتی اقدامات کریں اور نشیبی و خطرے سے دوچارعلاقوں سے دور رہیں